Western Balkans Environment Programe

Mendo Gjelbër – Siguro të Ardhmen, ishte tema e ekspozitës së parë me piktura dhe fotografike organizuar nga PNUD-i me studentët e Akademisë së Arteve me 4 dhjetor 2008. 

Ky aktivitet u organizua për të rritur shkallën e ndërgjegjësimit për pikat e nxehta mjedisore në Shqipëri. Marin Marika fitoi çminin e Parë për vizionin e tij për naturën që rrezikon të perceptohet në të ardhmen nëpërmjet kompuiterave, nëse nuk mësojmë të respektojmë mjedisin si e mira e jonë e përbashkët. Fituesit u shpallën gjatë ceremonisë së hapjes së ekspozitës në prezencë të ministrit të Mjedisit, z.Lefter Xhuveli, drejtorit të zyrës së PNUD-it në Shqipëri, z.Norimasa Shimomura, zv/ambasadores së Mbretërisë së Vendeve të Ulta në Shqipëri, znj. Ardi Stoios-Braken, studentë, përfaqësues të medias dhe OJQ-ve mjedisore. Konkursi u zhvillua gjatë periudhës 22 Tetor-22 Nëntor me pjesëmarrjen e 60 studentëve.  Një juri e përbërë nga artistë të mirënjohur shqiptarë përzgjodhi 15 finalistë.  Ndonëse përdorërn stile të ndryshme, artistët e rinj përcollën me sukses mesazhin: Mendo Gjelbër- Siguro të Ardhmen.  Gjatë ceremonisë u shpërndanë  Çmimi i Parë, i Dytë, i Tretë dhe ai Inkurajues.

TIRANË, më 10 Korrik  2008 – Hartimi i politikave mjedisore serioze është një kusht i domosdoshëm për një zhvillim ekonomik të qendrueshëm, kësisoj është i rëndësishëm vazhdimi i procesit të përafrimit të legjislacionit shqiptar me standartet e BE-së për Vlerësimin e Ndikimit në Mjedis (VNM) dhe Vlerësimin Strategjik Mjedisor (VSM), si dhe për rritjen e kapaciteteve të pushtetit qendror dhe lokal për zbatimin e këtyre politikave.

Më 8 Maj, gazetarë nga Shkodra morën pjesë në një seminar per mjedisin, dhe më 30 Maj gazetarë nga Tirana morën pjesë në një aktivitet të ngjashëm.  Ndër çështjet që u trajtuan përfshihen: Çfarë mbulimi kanë në media çështje të mjedisit ? A kanë gazetarët njohuri të mjaftueshme për të kuptuar lidhjen mes shëndetit njerëzor dhe mjedisit? Si duhet të shtjellohen çështjet e mjedisit në mënyrë që të paraqiten të lidhura njëra me tjetrën dhe të kuptueshme për

publikun? Pika e nxehtë mjedisore në Bajzë u njoh në nivel kombëtar dhe ndërkombëtar në sajë  të  dokumentarit “Treni i Vdekjes” të përgatitur nga gazetari i njohur shqiptar për çështjet mjedisore, Xhemal Mato.  Në fjalën e tij në seminar, Z. Mato iu drejtua kolegëve të tij gazetarë duke theksuar se mediat kanë fuqi të madhe në nxjerrjen në dritë të problemeve sociale dhe i inkurajoi ata të drejtonin vëmendjen nga çështjet e mjedisit. 

Klodiana Marika, koordinatore teknike e programit të identifikimit dhe prioritizimit të pikave të nxehta mjedisore në Shqipëri, bëri një përshkrim të përgjithshëm të pikave të nxehta mjedisore, dhe ilustroi gjendjen e tyre të përgjithshmë, duke u përqëndruar në pikën e nxehtë mjedisore të Bajzës.